Çin - Cənubi Koreya futbol matçında oyunçular arasında kütləvi insident baş verib

Bakı. 24 mart. REPORT.AZ/ 2018-ci il dünya çempionatının Asiya zonası üzrə seçmə mərhələsinin Çin - Cənubi Koreya matçının son dəqiqələrində futbolçular arasında kütləvi insident baş verib.

"Report"un məlumatına görə, toqquşmaya səbəb koreyalı Hi Çan Hvonun çinli İn Honqboya qarşı qaydaları pozması olub.

Hvonun yerə yıxılan Honqbonu vurmasından sonra hər iki komandanın futbolçuları özlərini hadisə yerinə yetirib. Onları yığmaların baş məşqçiləri Marçello Lippi ilə Uli Ştilike ayırıb.

Qeyd edək ki, görüş Çinin qələbəsi ilə yekunlaşıb - 1:0.