Yuxarı

"Barselona"nın futbolçusu polisi təhqir etdiyi üçün cəzalandırılıb

Barselona məhkəməsi futbolçunu 10 500 avro cərimələyib

Bakı. 4 mart. REPORT.AZ/ İspaniyanın "Barselona" klubunun futbolçusu Jerar Pike polis əməkdaşını təhqir etdiyi üçün cəzalandırılıb. "Report"un "Marca"ya istinadən verdiyi məlumata görə, Barselona məhkəməsi futbolçunu 10 500 avro cərimələyib.

Ötən ilin oktyabrında gecə klubundan çıxan Pikeyə avtomobili icazə olmayan yerdə saxladığı üçün polis tərəfindən cərimə yazılıb. Futbolçu isə buna etiraz edərək "bu cəriməni sənin atana ödətdirəcəyəm" deyib. Məhkəmə futbolçunun yüksək gəlirli olduğunu nəzərə alaraq, onu sözügedən məbləğdə cəzalandırıb.

Qeyd edək ki, Jerar Pike vəkili vasitəsilə məhkəməyə məktub göndərərək günahkar olduğunu etiraf edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi