"Çelsi" fransalı futbolçusunu icarəyə verib

Bakı. 10 avqust. REPORT.AZ/ İngiltərənin "Everton" klubu "Çelsi" komandasının futbolçusu Kurt Zumanı heyətinə qatıb. 

"Report" klubun rəsmi "Twitter" səhifəsinə istinadən xəbər verir ki, 24 yaşlı müdafiəçi bir il icarə əsasında "Everton"da oynayacaq.

Qeyd edək ki, Kurt Zuma 2014-cü ildən "Çelsi"də çıxış edir. Ötən mövsümü icarə əsasında "Stok Siti"də keçirən oyunçu 37 oyuna 1 qol vurub.