Cəbəllütariq klubu futbolçularına kriptovalyuta ilə maaş verəcək

Bakı. 31 iyul. REPORT.AZ/ Cəbəllütariq təmsilçisi "Qibraltar Yunayted" futbolçularına kriptovalyuta ilə maaş verəcək ilk klub olacaq.  

"Report" "The Telegraph" qəzetinə istinadən xəbər verir ki, klub rəhbərliyi növbəti mövsümdən yeni qaydalar barədə qərar qəbul edib. 

İdeyanın əsas təşəbbüskarı klubun sahibi Pablo Dandır. Onun fikrincə, kriptovalyuta ilə maaşların ödənilməsi digər klubları da ilhamlandıracaq. Dan hesab edir ki, bu addım idman dünyasında korrupsiyanın kökünü kəsə bilər.