Braziliya yığması Dani Alveşin DÇ-2018-i buraxacağını təsdiqləyib

Bakı. 12 may. REPORT.AZ/ Fransanın PSJ klubu və Braziliya komandasının müdafiəçisi 2018-ci ilin dünya çempionatında öz millisinə kömək edə bilməyəcək. Bunu tibbi müayinənin nəticələri göstərib.

“Report” xəbər verir ki, bu barədə Braziliya yığmasının mətbuat xidməti "Twitter" mikrobloqunda yazıb.

35 yaşlı futbolçu Fransa Kubokunun finalında "Le-Erbye" ilə oyunda (2:0) zədələnib və görüşün 41-ci dəqiqəsində dizində ağrılar səbəbindən əvəzlənib.