Bonuççi: "Yuventus"da böhran "Barselona"ya məğlubiyyətdən sonra başladı"

Bakı. 20 fevral. REPORT.AZ/ İtaliyanın "Milan" klubunun əvvəllər "Yuventus"da çıxış etmiş müdafiəçisi Leonardo Bonuççi turinlilərin düşərgəsində onun komandadan getməsi ilə nəticələnən dövrün başlamasından danışıb.

“Report” xəbər verir ki, futbolçunun fikirlərini "Mediaset Premium" nəşrinə istinadən "Football Italia" dərc edib.

"Yuventus"da böhran Berlində "Barselona"ya məğlubiyyətdən sonra başladı. Biz bir-birimizə kömək etməməyə başladıq", — deyə Bonuççi bildirib.

Çempionlar Liqası-2014/15-in finalında "Yuventus" "Barselona"ya 1:3 hesabı ilə məğlub olub. Bonuççi "Milan"a ötən yay, turinlilərin ÇL-in finalında daha bir məğlubiyyətindən ("Real" ilə oyunda 1:4) sonra keçib.