“Bavariya” rəhbərliyi Poçettinonu baş məşqçi postuna gətirmək istəyir

Almaniyanın “Bavariya” klubunun rəhbərliyi İngiltərənin “Tottenhem” komandasının baş məşqçisi postundan istefaya göndərilən Maurisio Poçettinonun nümayəndəsi ilə görüşüb.

“Report” “Bild”ə istinadən xəbər verir ki, Münhen təmsilçisinin İdarə Heyətinin sədri Karl-Haynts Rummenigge və idman direktoru Hasan Salihamiciç Covanni Brançini ilə danışıq aparıblar.

Qeyd edək ki, “Bavariya” noyabrın 4-də Niko Kovaçı uğursuz nəticələrə görə istefaya göndərib. Poçettino isə ayın 20-də anoloji səbəbdən “Tottenhem”dən göndərilib. Münhenlilər Bundesliqada 11 turdan sonra 21 xalla 3-cü pillədədirlər.