Yuxarı
    Bağlamaq

    Bakıda 17 yaşadək futbolçular arasında Avropa çempionatı start götürür

    ​Azərbaycan millisi bu gün Portuqaliya ilə qarşılaşacaq

    Bakı. 5 may. REPORT.AZ/ Bu gün Bakıda 17 yaşadək futbolçular arasında Avropa çempionatı start götürəcək. "Report"un məlumatına görə, qitə birinciliyinin final mərhələsində 16 komanda 4 qrupda mübarizə aparacaq. 

    İlk oyun günündə 4 görüş keçiriləcək. A qrupunda yer alan Azərbaycan millisi Portuqaliya yığması ilə üz-üzə gələcək.

    Qarşılaşma Bakı Olimpiya Stadionunda Açılış Mərasiminin ardından oynanılacaq. Mərasim saat 19:30-da, matç isə saat 20:00-da başlanacaq. Görüşün baş hakimi polşalı Bartoş Frankovski olacaq. Ona macarıstanlı Balaj Buzas və Moldovadan olan Vasili Yermişin kömək edəcək. Qarşılaşmanın 4-cü hakimi litvalı Sergey Slivadır.

    Qrupun digər komandaları isə "Bakcell Arena"da üz-üzə gələcəklər. Belçika - Şotlandiya oyunu saat 19:00-da start götürəcək.

    Təbriz Həsənovun rəhbərlik etdiyi komanda qrup mərhələsindəki növbəti görüşünü mayın 8-də Belçika, mayın 11-də isə Şotlandiya yığmasına qarşı keçirəcək. Hər iki görüş "Bakcell Arena"da baş tutacaq.

    Bu gün, həmçinin B qrupunda Ukrayna - Almaniya, Avstriya - Bosniya və Herseqovina oyunları da keçiriləcək. 

    Avropa çempionatı, I tur

    A qrupu

    19:00. Belçika - Şotlandiya
    Baş hakim: Petr Kraloveç (Slovakiya)

    "Bakcell Arena"

    20:00. Azərbaycan - Portuqaliya

    Hakimlər: Bartoş Frankovski (Polşa), Balaj Buzad (Macarıstan), Vasili Ermisçin (Moldova), Sergeyus Sliva (Litva)

    Bakı Olimpiya Stadionu

    B qrupu

    14:00. Avstriya - Bosniya və Herseqovina
    Baş hakim: Petr Ardelyanu (Çexiya)
    "Bakcell Arena"

    17:00. Ukrayna - Almaniya
    Baş hakim: Qunnar Yarl Yonsson (İslandiya)
    Bakı Olimpiya Stadionu

    Sayca 15-ci qitə turnirinə mayın 21-də yekun vurulacaq.

    Qeyd edək ki, reqlamentə əsasən, qruplarda ilk iki yeri tutan komandalar 1/4 finalda qarşılaşacaqlar. Bu mərhələnin oyunları 14-15 mayda keçiriləcək. Yarımfinala yüksələn komandalar mayın 18-də finala vəsiqə uğrunda mübarizə aparacaqlar. Həlledici qarşılaşma mayın 21-də Bakı Olimpiya Stadionunda keçiriləcək. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi