Yuxarı

​Azərbaycanın 21 yaşadək futbolçulardan ibarət yığmasının heyəti açıqlanıb

Baş məşqçi Yaşar Vahabzadə komandaya 21 oyunçu dəvət edib

Bakı. 6 noyabr. REPORT.AZ/ Azərbaycanın 21 yaşadək futbolçulardan ibarət yığmasının heyəti açıqlanıb. "Report"un AFFA-nın rəsmi saytına istinadən verdiyi məlumata görə, komandanın baş məşqçisi Yaşar Vahabzadə komandaya 21 oyunçu dəvət edib.

Yığmamız noyabrın 9-dan 11-nə və 15-dən 17-dək Bakı şəhərində, noyabrın 11-dən 15-dək isə Almaniyanın Regensburq şəhərində təlim-məşq toplanışı keçirəcək. Millimiz AVRO-2017-nin seçmə mərhələsi çərçivəsində noyabrın 13-də səfərdə Almaniya, 17-də isə Bakıda Rusiya komandası ilə qarşılaşacaq.

U-21-in heyətinə dəvət olunmuş futbolçuların siyahısı bunlardır:

Fəhmin Muradbəyli, Elşən Abdullayev, Məqsəd İsayev, Rahil Məmmədov (hamısı “Neftçi”), Şahrudin Məhəmmədəliyev, Cəmil Hacıyev, Tərlan Əhmədli (hamısı “Sumqayıt”), Adil Nağıyev, Sadiq Quliyev (hər ikisi “Zirə”), Azər Salahlı, Vüqar Mustafayev (hər ikisi “Qarabağ”), Fuad Bayramov, Abbas Hüseynov (hər ikisi “İnter”), Budaq Nəsirov, Azad Kərimov (hər ikisi “Kəpəz”), Rəşad Əzizli (“Rəvan”), Tural Hümbətov (AZAL), Elvin Camalov (“Qəbələ”), Kerem Behnke, Taşkın İlter (hər ikisi “TSG Neustrelitz”, Almaniya), Bilal Sezer (“Borussiya”, Mönhenqladbax, Almaniya).

Qeyd edək ki, Elvin Camalov, Abbas Hüseynov və Fuad Bayramov noyabrın 10-da, Taşkin İlter, Kerem Behnke və Bilal Sezer isə noyabrın 11-də komandaya qoşulacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi