Azərbaycan yığmasının Bakıdakı Avropa çempionatında oyunlarının vaxtı müəyyənləşib

Bakı. 8 aprel. REPORT.AZ/ Azərbaycanın 17 yaşadək futbolçulardan ibarət milli komandasının Bakıda keçiriləcək Avropa çempionatının qrup mərhələsindəki oyunlarının vaxtı müəyyənləşib. "Report"un məlumatına görə, mayın 5-də Bakı Olimpiya Stadionundakı açılış mərasiminin ardından Azərbaycan və Portuqaliya yığmaları azarkeşlər önünə çıxacaq. 

Təbriz Həsənovun baş məşqçi olduğu komanda mayın 8-də Belçika, mayın 11-də isə Şotlandiya ilə üz-üzə gələcək. 

Qeyd edək ki, Azərbaycan millisi A qrupunda yer alıb. Avropa çempionatı mayın 21-dək davam edəcək.