Yuxarı

Azərbaycan Kubokunda "İnter" və "Zirə" klublarının rəqibləri müəyyənləşib

Tovuzda böyükhesablı qələbə qeydə alınıb

Bakı. 12 oktyabr. REPORT.AZ/ Azərbaycan Kubokunda 1/8 finalında "İnter" və "Zirə"nin rəqibləri müəyyənləşib. 

"Report"un məlumatına görə, turnirin bu gün keçirilən ilkin təsnifat mərhələsində iki görüş baş tutub.

"Turan Tovuz" "Bakılı"nı qəbul edib. Qarşılaşma gözlənildiyi kimi meydan sahiblərinin üstünlüyü ilə başa çatıb. Əsgər Abdullayevin rəhbərlik etdiyi komanda qonaqların qapısından 4 cavabsız top keçirib. Bununla da Tovuz təmsilçisi 1/8 finalda "Zirə"yə rəqib olub.

"Qaradağ Lökbatan" isə "Şəmkir" səfərindən qələbə ilə ayrılıb. Oyunun sonlarına qədər hesab 1:1 olsa da, qonaqlar qələbə topunu vurmağa nail olub. Oyun "Qaradağ Lökbatan"ın 2:1 hesablı qələbəsi ilə yekunlaşıb. 16 komandanın mübarizəsində "Qaradağ Lökbatan" "İnter"lə səfər görüşünə çıxacaq.

Oyunlar dekabrın 2-3-də keçiriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi