Yuxarı
    Bağlamaq

    Azərbaycan klubunda baş məşqçi dəyişikliyi rəsmiləşib

    Sumqayıtın Müşahidə Şurası Aqil Məmmədovu Samir Abasovla əvəzləyib

    Bakı. 8 oktyabr. REPORT.AZ/ "Sumqayıt" Futbol Klubunda Müşahidə Şurasının iclası keçirilib. Klub prezidenti Kamran Quliyevin "Report"a verdiyi məlumata görə, iclasda Aqil Məmmədovun baş məşqçi vəzifəsindən istefa ərizəsinə baxılıb. 

    Şura üzvləri onun istefasını qəbul edib. K.Quliyev bildirib ki, üzvlərdən biri bu vəzifəyə əvəzedici heyətə rəhbərlik edən Samir Abasovun namizədliyini təklif edib. Təklif yekdilliklə təmin olunub. S.Abasovla mövsümün sonunadək müqavilə bağlanılıb. Yeni baş məşqçi komandaya bu gün təqdim olunacaq. 

    Qeyd edək ki, Samir Abasovun futbolçu kimi sonuncu klubu da "Sumqayıt" olub. O, 2014-cü ilin yayında futbolçu karyerasını başa vuraraq məşqçiliyə başlayıb. Hazırda S.Abasovun komandası 7 turdan sonra 16 xalla liderdir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi