Yuxarı

"Atletik" və "Spartak" azarkeşləri arasında iğtişaş zamanı bir polis ölüb, bir neçə nəfər yaralanıb - VİDEO

Ən azı beş nəfər saxlanılıb

Bakı. 23 fevral. REPORT.AZ/ Futbol üzrə Avropa Liqasının "Atletik" (İspaniya) və "Spartak" (Rusiya) arasında Bilbao şəhərində keçirilmiş 1/16 final matçından əvvəl fanatlar arasında baş vermiş iğtişaş zamanı bir polis əməkdaşı ölüb.

“Report” TASS-a istinadən xəbər verir ki, bu barədə cümə axşamı "Correo" qəzeti yazıb.

Regional hüquq-mühafizə orqanları əməkdaşı ürəyi dayandıqdan sonra tibb müəssisəsinə aparılıb. Reanimasiyadan sonra o, ağır vəziyyətdə olub və sonra dünyasını dəyişib.

Qəzet yazır ki, matçdan əvvəl azarkeşlər arasında baş verən qarşıdurmalar nəticəsində bir neçə nəfər yaralanıb. Əlavə olaraq, ən azı beş nəfər saxlanılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi