Yuxarı

​Aleksis Sançes Amerika Kubokunun ən yaxşı futbolçusu seçilib

Qızıl butsu Çilinin futbolçusu Eduardo Varqasa nəsib olub

Bakı. 27 iyun. REPORT.AZ/ Futbol üzrə Çili yığma komandasının hücumçusu Aleksis Sançes ABŞ-da keçirilən 2016-cı il Amerika Kubokunun ən yaxşı oyunçusu seçilib.

"Report" xəbər verir ki, bu barədə turnirin mətbuat xidmətinin məlumatında bildirilir.

Çili yığması finalda oyunsonrası penalti seriyalarında Argentina millisinə qalib gələrək (4:2) Kubokun sahibi olub.

O, turnirin 6 oyununda üç dəfə fərqlənib və iki qol ötürməsi verib. Ən yaxşı bombardirə verilən "Qızıl butsu" mükafatını çilililərin hücumçusu Eduardo Varqas alıb. O, turnirdə 6 top vurub ki, bunun da 4-nə ¼ finalda Meksika ilə oyunda (7:0) imza atıb.

Yarışın ən yaxşı qapıçısı Çilinin qolkiperi Klaudio Bravo seçilib. O, turnirdə 6 oyuna 5 qol buraxıb. Bundan əlavə, Bravo "play-off" mərhələsinin üç matçında qapısını toxunulmaz saxlayıb, oyunsonrası penaltilər seriyasında isə qolkiper bir zərbənin qarşısını alıb.

"Ədalətli mübarizə" (fair play) xüsusi mükafatına Argentina millisi layiq görülüb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi