Yuxarı
    Bağlamaq

    "Alanyaspor" rəsmisi: "Donald Geryo Vildi "Qarabağ"a satdıq"

    Mevlüthan Çavuşoğlu: Futbolçu viza məsələsini həll etdikdən sonra Bakıya gedəcək

    Bakı. 5 iyul. REPORT.AZ/ Türkiyənin "Alanyaspor" klubunun futbolçusu Donald Geryo Vild "Qarabağ"a transfer olunub. Bu barədə "Report"a Super Liqa təmsilçisinin baş koordinatoru Mevlüthan Çavuşoğlu açıqlama verib.

    Klub rəsmisi Haiti yığmasının oyunçusunu müəyyən məbləğ qarşılığında Azərbaycan komandasına buraxdıqlarını bildirib. M.Çavuşoğlu deyib ki, hazırda 28 yaşlı yarımmüdafiəçi viza məsələsinin həlli ilə məşğuldur: "Futbolçu sabah Bakıya gedə bilər. Viza məsələsi var, onu həll etməlidirlər. “Qarabağ” onun transferi üçün bizə pul ödədi. Lakin məbləği deyə bilmərəm".

    Qeyd edək ki, Donald Geryo Vild ötən mövsüm "Alanyaspor"a transfer olunub. O, əvvəllər Polşa "Visla"sında da legioner həyatı yaşayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi