Yuxarı
    Bağlamaq

    AFFA "Neftçi"ni və azarkeşi döyən futbolçusunu cəzalandırıb

    İntizam Komitəsi qərar qəbul edib

    Bakı. 26 oktyabr. REPORT.AZ/ AFFA-nın İntizam Komitəsi "Neftçi" klubunu cəzalandırıb. "Report"un məlumatına görə, paytaxt klubu Azərbaycan Premyer Liqasının IX turunda "Qarabağ"la keçirilən görüşdə təhlükəsizliyi tam təmin etmədiyi üçün 4 000 manat cərimələnib.

    Buna oyunun 90+2-ci dəqiqəsində meydana azarkeşin daxil olması səbəb olub. Həmin azarkeşlə dava-dalaşda iştirak edən Katalin Tira isə qırmızı vərəqə alaraq meydançadan kənarlaşdırıldığı üçün 5 oyun cəzalanıb, klub isə 2400 manat ziyana düşüb.

    "Kəpəz"lə oyunda "İnter"in 6, AZAL-la görüşdə "Zirə"nin 4, "Sumqayıt"la matçda isə "Qəbələ"nin 4 futbolçusu sarı vərəqə ilə cəzalandığı üçün klublar 800 manat cərimə olunub.

    Sumqayıtda baş tutmuş görüşün 90+3-cü dəqiqəsində "Qəbələ"nin futbolçusu Sadiq Quliyev ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klubu 200 manat ziyana düşüb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi