"Zirə" - "Şamaxı" oyunu qapı torundakı problemə görə gec başlayıb

"Zirə" və "Şamaxı" komandaları arasında keçirilən Azərbaycan Premyer Liqasının XXVIII tur oyunu gec başlayıb.

"Report" xəbər verir ki, buna baş hakim Rauf Allahverdiyevin start fitindən əvvəl qapı torunda problemin aşkarlanması səbəb olub.

Problem aradan qaldırıldıqdan sonra qarşılaşma start götürüb.

Şamaxı təmsilçisinin qapıçısı Əkpər Vəliyev də torun düzəldilməsi üçün səy göstərib.