"Zirə"dən ayrılan futbolçu: "Azərbaycanda Peru yeməkləri üçün darıxıram"

"Zirə"dən ayrılan futbolçu: "Azərbaycanda Peru yeməkləri üçün darıxıram" "Yaxın günlərdə Peruya qayıdacağam. Amma hədəfim Avropada qalmaq və karyeramı burada davam etdirməkdir. Hər şeyi vətənimdə sakit şəkildə təhlil edəcəyəm".
Futbol
389
11 İyul , 2020 11:56
Zirədən ayrılan futbolçu: Azərbaycanda Peru yeməkləri üçün darıxıram
Alvaro Ampuero

"Yaxın günlərdə Peruya qayıdacağam. Amma hədəfim Avropada qalmaq və karyeramı burada davam etdirməkdir. Hər şeyi vətənimdə sakit şəkildə təhlil edəcəyəm".

"Report"un məlumatına görə, bunu mövsümün sonunda "Zirə" ilə icarə müqaviləsi başa çatan perulu futbolçu Alvaro Ampuero ölkəsinin mətbuatına açıqlamasında deyib.

Müqavilə ilə "Deportivo Minisipial" klubuna məxsus olan 28 yaşlı müdafiəçi Azərbaycan və Peru futbolunu müqayisə edib: "Bizdə texnikalı, Azərbaycanda isə güc və sürət futboluna üstünlük verilir. "Zirə"də sol cinahda çıxış edirdim. Amma mərkəz müdafiəçisi kimi də oynamışam. Komanda hərdən 3-5-2 taktiki sxemi ilə meydana çıxırdı. Bu, məndə alınırdı. Hər zaman baş məşqçinin istifdə etdiyi sistemə uyğun gəlirdim".

Ampuero Azərbaycandakı adət-ənənələrdən də söz açıb: "Xüsusilə də dini mövzu tamam fərqlidir. Məsələn, onların oyunun fasiləsində ibadət etmək adəti var. Sən də bu cür şeylərə hörmətlə yanaşmalısan. Yeməkləri necədir? Pis qidalanmıram, amma Peru yeməkləri üçün darıxıram".

Qeyd edək ki, Ampuero "Zirə"yə ötən yay keçmişdi.