Zinəddin Zidan "Real Madrid"də yeni rekorda imza atıb

Bakı. 7 may. REPORT.AZ/ Zinəddin Zidan İspaniyanın "Real Madrid" klubunun baş məşqçiləri arasında rekord müəyyənləşdirib.

"Report"un məlumatına görə, fransalı mütəxəssis buna La Liqanın XXXVI turunda "Barselona" ilə səfər heç-heçəsi sayəsində imza atıb. O, "Nou Kamp"dakı ilk 4 matçda uduzmayan ilk baş məşqçi olub.

Bunadək "kral klubu" "Barsa"nı 2015-2016 mövsümündə səfərdə 2:1 hesabı ilə yenib. 2016-2017 mövsümündə 1:1 hesablı heç-heçə qeydə alınıb. Cari mövsüm ərəfəsində isə İspaniya Super Kuboku uğrunda ilk görüşdə madridlilər 3:1 hesablı qələbə qazanıb.