"Yuventus" XXI əsrin antirekorduna imza atıb

İtaliyanın "Yuventus" klubu XXI əsrin antirekorduna imza atıb.

"Report" "Opta Sport"a istinadən xəbər verir ki, bu, XVI turda, "Venetsiya" ilə görüşdə (2:2) reallaşıb.

Turin təmsilçisi A Seriyasının geridə qalan 16 turunda cəmi 6 qələbə qazanıb, qalan 10 görüşü heç-heçə ilə başa vurub. Komanda 16 matçda bu qədər qələbəni yalnız 1998/1999 mövsümündə qazanıb.

Qeyd edək ki, "Yuventus" hazırda turnir cədvəlində altıncıdır. 16 oyunda 28 xal toplayan Turin klubu bu mövsüm A Seriyasında məğlubiyyəti olmayan yeganə komandadır.