“Yuventus” və “Milan” “Çelsi”nin yarımmüdafiəçisini almaq istəyirlər

“Çelsi”də çıxış edən hücumameyilli yarımmüdafiəçi Hakim Zieş karyerasını İtaliyanın A Seriyasında davam etdirə bilər.

Bu barədə “Report” “Calciomercatoweb” nəşrinə istinadən xəbər verir.

Bildirilir ki, 27 yaşlı mərakeşli “Çelsi” tərəfindən əsas pleymeyker rolunu yetirmək üçün əldə edilirdi, amma Tomas Tuxelin yeni baş məşqçi gəlməsindən sonra o, əsas heyətdə yerini itirib.

İtaliya klubları futbolçunun “Çelsi”də vəziyyətinin düzəlməyəcəyi təqdirdə onu öz sıralarına qatmaq niyyətindədirlər.

Zieş 2020/2021 mövsümündə “Çelsi”nin heyətində bütün turnirlərdə 18 oyunda iştirak edərək, 2 qol vurub və 4 məhsuldar ötürmə edib. “Transfermarkt” mərakeşlini 45 milyon avroya qiymətləndirib. “Aristokrat”lar Hakimi 2020-ci ilin yayında Amsterdam “Ayaks”ından transfer etmişdilər. Transferın qiyməti 40 milyon avro təşkil edib.