"Yuventus" Dibala ilə yollarını ayırıb

İtaliya "Yuventus"u Argentina millisinin futbolçusu Paulo Dibala ilə yollarını ayırıb.

"Report" klubun rəsmi saytına istinadən xəbər verir ki, 29 yaşlı hücumçu ilə başa çatan müqavilənin müddəti artırılmayıb.

Turin təmsilçisi xidmətlərinə görə təcrübəli oyunçuya təşəkkür edib.

Qeyd edək ki, Paulo Dibala 2015-ci ildən "Yuventus"da çıxış edirdi.