Yurgen Klopp uğursuz nəticələrə rəğmən "Liverpul"dan ayrılmayacaq

İngiltərənin "Liverpul" komandasının baş məşqçisi Yurgün Klopp mövsümün sonunda vəzifəsindən ayrılmaq niyyətində deyil.

"Report" xəbər verir ki, bu barədə 54 yaşlı mütəxəssisin agenti Mark Kositske "Sport1" nəşrinə açıqlamasında məlumat verib.

O bildirib ki, almaniyalı baş məşqçinin Mersisayd təmsilçisi ilə daha 3 illik müqaviləsi var. Kositsk Kloppun sözləşmə şərtlərini tam yerinə yetirəcəyini söyləyib.

Qeyd edək ki, "Liverpul" İngiltərə Premyer Liqasında 29 turdan sonra 46 xalla 6-cı pillədə qərarlaşıb. Kloppun klubla 2024-cü ilin yayına qədər müqaviləsi var. Mersisaydlılar ötən mövsüm onun rəhbərliyi altında 30 ildən sonra Premyer Liqanın qalibi olub.