Yunanıstan klubu "Neftçi"nin sabiq futbolçusunu göndərir

Yunanıstanın AEL (Larissa) klubu "Neftçi"nin sabiq futbolçusu Vangelis Platellasla yollarını ayırır.

"Report" "Aelole" nəşrinə istinadən xəbər verir ki, rəhbərlik çıxışından razı qalmadığı oyunçularla müqavilələri ləğv edir. Bunların arasında Platellas da var. Klub tezliklə yunanıstanlı oyunçu ilə vidalaşacaq.

Qeyd edək ki, Vangelis Platellas 2019-cu ilin yanvarından 2020-ci ilin iyulunadək Neftçi"də çıxış edib. O, 2020-ci ilin avqustunda AEL-lə iki illik müqavilə imzalamışdı.