Yaşı 21-dən çox olmayan futbolçuların qiymətləri: Mbappe hamını qabaqladı

"Forbes" jurnalı yaşı 21-dən çox olmayan ən dəyərli futbolçuların reytinqini açıqlayıb.

"Report" xəbər verir ki, siyahıya Fransanın PSJ klubunun hücumçusu Kilian Mbappe başçılıq edir.

Gənc forvardın hazırkı transfer qiməti 183,3 milyon avrodur. 1998-ci ildə anadan olmuş fransalı oyunçunun 22 yaşı dekabrın 20-də tamamlanacaq.

İkinci sırada İspaniya "Atletiko"sunun yarımmüdafiəçisi Joau Feliş qərarlaşıb - 104 milyon avro. İlk "3-lüy"ü 98 milyon avro qiyməti olan İngiltərənin "Çelsi" komandasının futbolçusu Kay Haverts tamamlayır.

Top-10-da həmçinin aşağıdakı futbolçular yer alıb.

1. Kilian Mbappe (PSJ, Fransa) - 183,3 milyon avro

2. Joau Feliş ("Atletiko", İspaniya) - 104 milyon avro

3. Kay Haverts ("Çelsi", İngiltərə) - 98 milyon avro

4. Alfonso Devis ("Bavariya", Almaniya) - 88,3 milyon avro

5. Matteys De Liqt ("Yuventus", İtaliya) - 86,8 milyon avro

6. Ceydon Sanço ("Borussiya" Dortmund, Almaniya) - 86,6 milyon avro

7. Erlinq Holann ("Borussiya" Dortmund, Almaniya) - 68,3 milyon avro

8. Əşrəf Hakimi ("İnter", İtaliya) - 66,3 milyon avro

9. Viktor Osimhen ("Napoli", İtaliya) - 63 milyon avro

10. Ferran Torres ("Mançester Siti", İtaliya) - 57,7 milyon avro.