İspaniya təmsilçisi "Selta"nın futbolçusu Yaqo Aspas klub tarixində ən çox oyun keçirən ikinci futbolçu ünvanına yiyələnib.
"Report" xarici KİV-ə istinadən xəbər verir ki, 37 yaşlı hücumçu bunu La Liqanın 7-ci turunda, evdə "Atletiko"ya qarşı matçda reallaşdırıb.
O, yetirməsi olduğu "Selta"da 500-cü oyununa çıxıb. Klub tarixində ən çox oyun keçirən futbolçu isə Manolodur. 76 yaşlı sabiq futbolçu 533 matça çıxıb.
Qeyd edək ki, "Selta" - "Atletiko" görüşü qonaqların 1:0 hesablı qələbəsi ilə yekunlaşıb.