Yaponiya millisinin sabiq futbolçusu 32 yaşında vəfat edib

Yaponiya millisinin sabiq futbolçusu Masato Kudo vəfat edib.

"Report" "Reuters"ə istinadən xəbər verir ki, hücumçu beyin əməliyyatından sonra 32 yaşında dünyasını dəyişib.

Forvard oktyabrın 3-də xəstəxanaya yerləşdirilmişdi.

Qeyd edək ki, Masato Kudo yığmanın heyətində dörd oyun keçirib və iki qol vurub. Hücumçu ölkəsində "Kasiva Reysol"dakı çıxışına görə tanınıb.