"Vulverhempton"un müdafiəçisi karyerasını "Mançester Yunayted"də davam etdirə bilər

İngiltərənin "Vulverhempton" klubunun müdafiəçisi Rayan Ait-Nuri karyerasını Premyer Liqanın digər təmsilçisi "Mançester Yunayted"də davam etdirə bilər.

"Report" "The Independent"ə istinadən xəbər verir ki, Mançester klubu 23 yaşlı əlcəzairli futbolçunun transferində maraqlıdır.

Baş məşqçi Ruben Amorim qış fasiləsində müdafiənin sol cinahını bu futbolçu ilə gücləndirmək niyyətindədir.

Qeyd edək ki, hazırkı dəyəri 35 milyon avro qiymətləndirilən müdafiəçinin "canavarlar"la müqaviləsinin müddəti 2026-cı ilə qədərdir. Futbolçu cari mövsümdə 22 oyun keçirib, 4 qol vurub və beş məhsuldar ötürmə edib.