Uels millisinin yeni baş məşqçisi açıqlanıb

Futbol üzrə Uels millisinin yeni baş məşqçisi müəyyənləşib.

"Report" xəbər verir ki, bu barədə Uels Futbol Assosiasiyası məlumat yayıb.

Yığma Kreyq Bellamiyə tapşırılıb. 48 yaşlı mütəxəssin müqaviləsi 2028-ci ilin yayınadək nəzərdə tutulub. O, bu postda Rob Peyci əvəzləyib.

Qeyd edək ki, Kreyq Bellami 1998-2013-cü illər aralığında Uels millisinin formasını geyinib.