Bakı. 5 iyun. REPORT.AZ/ UEFA Rusiyanın “Spartak” klubunu cəzalandırıb.
“Report” qurumun rəsmi saytına istinadən xəbər verir ki, Moskva təmsilçisinə avrokuboklarda 3 səfər matçına bilet satışı qadağası tətbiq edilib.
Buna səbəb Avropa Liqasının 1/16 finalında İspaniya “Atletik”i ilə səfər qarşılaşmasında rusiyalı fanatların davranışıdır.
Üçüncü görüş üçün cəza şərti xarakter daşıyır və 2 il müddətinə qüvvədə olacaq. Həmçinin “Spartak” 55 min avro cərimə ödəməli olacaq.
Qeyd edək ki, “Atletik”in “Spartak”a 1:2 hesabı ilə uduzduğu oyundan əvvəl hər iki komanda azarkeşlərinin iştirakı ilə kütləvi iğtişaş baş verib.