UEFA Avropa Liqasından “Qarabağ”ın uğurları ilə bağlı paylaşım

UEFA Avropa Liqası “X” sosial şəbəkəsindəki hesabında Azərbaycanın “Qarabağ” futbol klubu ilə bağlı paylaşım edib.

“Report” xəbər verir ki, paylaşımda “Qarabağ”ın öz meydanında keçirdiyi son 26 oyunda uğurlu çıxışı vurğulanıb.

“Qarabağ” öz meydanında UEFA-nın bayrağı altında keçirdiyi son 26 oyununun yalnız 2-də məğlub olub”, - UEFA Avropa Liqasının paylaşımında qeyd edilib.

Qeyd edək ki, “Qarabağ” fevralın 22-də Tofiq Bəhramov adına Respublika stadionunda UEFA Avropa Liqasının pley-off mərhələsinin cavab matçında Portuqaliya təmsilçisi "Braqa"nı qəbul edəcək.

Qarabağ have lost only two of their last 26 UEFA competition matches at home ️@FKQarabagh || #UEL pic.twitter.com/SRY1vVzeNC

— UEFA Europa League (@EuropaLeague) February 20, 2024