Türkiyədə döyülən hakim: "Bunu Emre Belözoğlu planlaşdırıb"

Türkiyədə klub prezidentinin döydüyü hakim Halil Umut Meler bu hadisədə "Ankaragücü"nün baş məşqçisi Emre Belözoğlunu günahlandırıb.

"Report" "Hürriyet"ə istinadən xəbər verir ki, referi mütəxəssisin təxribat törətdiyini söyləyib.

Baş hakim bunu Belözoğlunun planlaşdırdığını iddia edib: "Matçdan sonra onun əllərini gördüm. Bu vaxt digər baş məşqçi İlhan Palut onu saxladı. Bu hərəkəti edən və yumruq atan şəxst yazılı şəkildə məndən və ailəmdən üzr istədi. Amma Emre Belözoğlu bunu etmədi".

Qeyd edək ki, Superliqanın XV turunun “Ankaragücü” – “Rizəspor” (1:1) oyunundan sonra paytaxt təmsilçisinin prezidenti Faruk Koca meydana daxil olaraq, baş hakim Halil Umut Meleri yumruqla vurub.