Türkiyə Superliqası: "Beşiktaş" bu gün "Qalatasaray"ı qəbul edəcək

Bu gün futboı üzrə Türkiyə Superliqasında İstanbul derbisi keçiriləcək.

"Report"un məlumatına görə, "Beşiktaş" XXVIII turda "Qalatasaray"ı qəbul edəcək.

Qarşılaşma Bakı vaxtı ilə saat 20:00-da başlayacaq.

Meydan sahibləri hazırda 46 xalla dördüncü, "sarı-qırmızılar" 72 xalla ikinci pillədə qərarlaşıb.

Komandalar tarixdə 355-ci dəfə üz-üzə gələcəklər. Bunların 126-da "Qalatasaray", 114-də "Beşiktaş" qələbə qazanıb. 114 oyun isə heç-heçə yekunlaşıb.