Türkiyə klubu yeni baş məşqçisi ilə 3 illik müqavilə imzaladı

Futbol üzrə Türkiyə Super Liqasında çıxış edən "Kayserispor" komandasının yeni baş məşqçisi açıqlanıb. 

"Report" klubun rəsmi saytına istinadən xəbər verir ki, bölgə təmsilçisi Bayram Bektaşa həvalə edilib. 46 yaşlı mütəxəssislə 3 illik müqavilə imzalanıb. Bektaş bu postda Azərbaycan millisinin sabiq baş məşqçsi Robert Prosineçkini əvəzləyib. 

Qeyd edək ki, "Kayserispor" 2019/2020 mövsümünü 32 xalla sonuncu pillədə başa vursa da, Türkiyə Futbol Federasiyası çempionatda komanda sayını artırıb və bölgə təmsilçisi əsas liqada qalıb.