Türkiyə klubu "Qalatasaray"la heç-heçədən sonra baş məşqçisi ilə vidalaşıb

Bakı. 4 mart. REPORT.AZ/ Türkiyənin "Erzurumspor" klubu baş məşqçi Mehmet Özdilek ilə yollarını ayırıb.

"Report" klubun rəsmi saytına istinadən xəbər verir ki, 53 yaşlı mütəxəssislə müqavilə qarşılıqlı razılaşma əsasında ləğv olunub.

Qeyd edək ki, komanda Türkiyə Super Liqasının sonuncu turunda evdə "Qalatasaray"la heç-heçə edib. "Erzurumspor" hazırda turnir cədvəlində 24 turdan sonra 22 xalla 17-ci pillədə qərarlaşıb. "Qarabağ" klubunun sabiq qapıçısı İbrahim Şehiç də məhz bu klubun formasını geyinir.