"Trabzonspor"da virusa yoluxan futbolçuların sayı artdı

Türkiyənin "Trabzonspor" komandasında koronavirusa yeni yoluxma halları aşkarlanıb.

"Report" klubun rəsmi saytına istinadən xəbər verir ki, son testlərin ardından daha iki futbolçunun analiz nəticəsi müsbət çıxıb.

Bununla da komandada xəstə oyunçuların sayı 6-ya çatıb. Futbolçularla yanaşı, klubun 1 əməkdaşının da infeksiyaya yoluxduğu bildirilib.

Qeyd edək ki, "Trabzonspor" fevralın 19-da Superliqanın XXVI turunda "Başakşehir"lə qarşılaşacaq.