"Tottenhem" Lukas Moura ilə vidalaşıb

İngiltərə "Tottenhem"i futbolçusu Lukas Moura ilə vidalaşıb.

"Report" klubun rəsmi saytına istinadən xəbər verir ki, braziliyalı hücumameyilli yarımmüdafiəçi mövsümün sonunda London təmsilçisini tərk edəcək.

31 yaşlı vingerin iyunun 30-da başa çatan müqaviləsi uzadılmayacaq.

Qeyd edək ki, Lukas Moura 2018-ci ildən "Tottenhem"də çıxış edir. Təcrübəli futbolçu bu müddət ərzində meydana çıxdığı 219 oyunda 38 qol vurub və 27 məhsuldar ötürmə edib.