"Torino"nun yeni baş məşqçisi açıqlandı

İtaliya A Seriyasında çıxış edən "Torino"nun yeni baş məşqçisi bəlli olub.

"Report" Turin təmsilçisinin rəsmi saytına istinadən xəbər verir ki, komanda Davide Nikolaya tapşırılıb.

48 yaşlı mütəxəssisin müqaviləsinin detalları açıqlanmayıb. Nikola bu postda Marko Campaolonu əvəzləyib.

Qeyd edək ki, "Torino" turnir cədvəlində 18 oyundan 13 xalla 18-ci pillədə qərarlaşıb.