Tomas Müller "Bavariya"dan ayrılacağını açıqlayıb

Almaniyalı futbolçu Tomas Müller cari mövsüm başa çatdıqdan sonra "Bavariya"dan ayrılacağını açıqlayıb.

"Report" xəbər verir ki, 35 yaşlı futbolçu sosial şəbəkələr vasitəsilə Münhen komandasında çıxışını davam etdirmək istədiyini, lakin klubun müqaviləni yeniləməmək qərarına hörmətlə yanaşdığını bildirib.

2000-ci ildən "Bavariya"da çıxış edən və karyerasını bu kluba həsr edən təcrübəli hücumçu Bundesliqa təmsilçisinin heyətində 12 dəfə Almaniya çempionu, 2 dəfə Çempionlar Liqasının qalibi adını qazanıb.

Qeyd edək ki, Tomas Müller bu mövsüm 36 oyunda 5 qola və eyni sayda məhsuldar ötürməyə imza atıb.