Tanınmış futbol hakimi beynəlxalq karyerasını başa vurdu

Tanınmış futbol hakimi Feliks Brix beynəlxalq karyerasını başa vurub.

"Report"un məlumatına görə, bu barədə almaniyalı FIFA referisi "Bild" nəşrinə açıqlamasında deyib.

O, 2021/2022 mövsümündən ölkədaxili oyunları idarə edəcəyini bildirib: "Bundesliqada yeni mövsümün startını səbirsizliklə gözləyirəm. Bundan sonra avrokuboklarda hakimlik etmək istəmirəm. İlin sonunda beynəlxalq karyeramı bitərəcəyəm".

Qeyd edək ki, 2007-ci ildə FIFA dərəcəsi alan Feliks Brix AVRO-2020-nin 5 oyununda ədaləti qoruyub.