Tanınmış baş məşqçi Azərbaycan millisinə rəhbərlik etmək variantını şərh edib

Tanınmış baş məşqçi Azərbaycan millisinə rəhbərlik etmək variantını şərh edib Bakı. 21 yanvar. REPORT.AZ/ Futbol üzrə Qazaxıstan yığmasının baş məşqçi postundan ayrılan Stanimir Stoylov Azərbaycan millisinə rəhbərlik etmək variantını şərh edib.
Futbol
2054
21 Yanvar , 2019 16:10
Tanınmış baş məşqçi Azərbaycan millisinə rəhbərlik etmək variantını şərh edib

Bakı. 21 yanvar. REPORT.AZ/ Futbol üzrə Qazaxıstan yığmasının baş məşqçi postundan ayrılan Stanimir Stoylov Azərbaycan millisinə rəhbərlik etmək variantını şərh edib.

“Report” xəbər verir ki, 52 yaşlı bolqarıstanlı mütəxəssis vesti.kz saytına geniş müsahibəsində hazırda bunun mümkün olmadığını bildirib. Onun sözlərinə görə, ciddi bir təklifi yoxdur: “Müxtəlif variantlar haqqında çox oxumuşam. Düzünü deyim ki, Qazaxıstanda işləyə biləcəyim az variant var. Məşqçi peşəkarlığını göstərib, öz töhfəni verə biləcəyin iki lider klub var. İndiki durumda qalanları ciddi deyil. İnsanlar əmək haqlarını müzakirə etməyi sevir. Amma mənim üçün bu, ilk yerdə deyil. Bəli, işimə görə yaxşı pul alıram. “Ordobası” heç vaxt planlarıma daxil olmayıb. Hazırkı mərhələdə isə bu da Azərbaycan yığması variantı kimidir. Amma heç kim 5 – 10 il sonra harada olacağını bilmir”.

Stoylov vətəni Bolqarıstanda azarkeşlər tərəfindən sevildiyini, lakin sabiq klubu “Levski”nin onun dönüşünə hazır olmadığını vurğulayıb.

Qeyd edək ki, Qazaxıstan millisi çexiyalı Mixal Bilekə tapşırılıb. AFFA isə Azərbaycan millisinin baş məşqçi vəzifəsi üçün namizədləri gözdən keçirməkdədir.

Son xəbərlər

Orphus sistemi