Səudiyyə klubları “Yuventus”un yarımmüdafiəçisini transfer etmək istəyir

Səudiyyə Ərəbistanının liqa klubları “Yuventus” klubunun yarımmüdafiəçisi Pol Poqbanı transfer etmək istəyir.

“Report” xəbər verir ki, bu barədə “90 min” məlumat yayıb.

Mənbə qeyd edib ki, fransız futbolçu “Yuventus”da qalmaq istəyir, lakin Səudiyyə klubları Poqba üçün kifayət qədər məbləğ təklif edərsə, Turin klubunun rəhbərliyi transferə razılıq verə bilər.

Qeyd olunub ki, yarımmüdafiəçi həftəlik 290 min avro maaş ala bilər.

Ötən mövsüm Poqba Turin təmsilçisinin heyətində 10 matçda iştirak edib və bu oyunda bir effektli ötürmə verə bilib. “Transfermarkt” portalının məlumatına görə, Poqbanın bazar dəyəri 20 milyon avro olaraq qiymətləndirilir.