Serxio Ramos İspaniya millisinə qayıda bilər

Fransanın PSJ klubunun futbolçusu Serxio Ramos İspaniya millisinə qayıda bilər.

"Report" AS nəşrinə istinadən xəbər verir ki, yığmanın yeni baş məşqçisi Luis de la Fuente potensial kapitanlarla görüşlər ərəfəsində 37 yaşlı müdafiəçi ilə də danışmaq niyyətindədir.

Bu, təcrübəli oyunçunun Norveç və Şotlandiyaya qarşı AVRO-2024-ün seçmə matçları üçün komandaya cəlb olunacağı anlamına gəlməyəcək. Hər şey Ramosun qarşıdakı həftələrdəki performasından asılı olacaq.

Qeyd edək ki, Serxio Ramos İspaniya millisində 180 oyun keçirib. O, ötən il Qətərdə keçirilmiş dünya çempionatı üçün iştirak ərizəsinə daxil edilməmişdi.