"Şaxtyor" ukraynalı qaçqınlara dəstək məqsədi ilə xeyriyyə oyunu keçirəcək

Ukraynanın "Şaxtyor" (Donetsk) komandası xeyriyyə oyunu keçirəcək.

"Report"un məlumatına görə, Donetsk təmsilçisi Yunanıstan təmsilçsii "Olimpiakos"la üz-üzə gələcək.

Yunanıstandakı qarşılaşma aprelin 9-da olacaq. Matçdan əldə olunan bütün gəlir ukraynalı qaçqınlara sərf ediləcək.

Qeyd edək ki, Ukrayna Premyer Liqası fevralın 24-də dayandırılıb. 18 turdan sonra "Şaxtyor" (Donetsk) 47 xalla birinci, Kiyev "Dinamo"su isə 45 xalla ikinci pillədə qərarlaşıb.