Samir Abasov: "Bəzən emosionallıq aqressiyaya çevrilir"

Samir Abasov: "Bəzən emosionallıq aqressiyaya çevrilir" "Ömər Buludovun zədələnməsindən sonra İsmayıl Zülfüqarlını məcburiyyətdən meydana buraxdıq. Daha sonra hücumu gücləndirib oyunu udmaq üçün Mirabdulla Abbasovu döyüşə atdıq. Sevindirici haldır ki, öz yetirmələrimiz bizə 3 xal qazandırdı. Oyundakı sürət biz
Futbol
599
23 Oktyabr , 2021 20:51
Samir Abasov: Bəzən emosionallıq aqressiyaya çevrilir

"Ömər Buludovun zədələnməsindən sonra İsmayıl Zülfüqarlını məcburiyyətdən meydana buraxdıq. Daha sonra hücumu gücləndirib oyunu udmaq üçün Mirabdulla Abbasovu döyüşə atdıq. Sevindirici haldır ki, öz yetirmələrimiz bizə 3 xal qazandırdı. Oyundakı sürət bizi razı saldı".

"Report"un məlumatına görə, bunu "Neftçi"nin baş məşqçisi Samir Abasov evdə "Zirə"yə 2:1 hesabı ilə qalib gəldikləri Premyer Liqanın VIII tur matçından sonra mətbuat konfransında deyib.

43 yaşlı mütəxəssis bildirib ki, komandası qol vuranda həddindən artıq emosional olur: "Sona yaxın bunu etməyimiz məni daha da sevindirdi. Matçın gedişində müəyyən epizodlar olur. Bəzən emosionallıq aqressiyaya çevrilir".

Abasov Emin Mahmudovu əvəzləməsinin səbəbini də açıqlayıb: "Onu itirməməyə çalışırıq. Bir az formadan düşüb. Bizim üçün önəmli oyunçudur. Onun oyunu alınanda bizim də işimiz yaxşı gedir".

Təcrübəli mütəxəssis millinin baş məşqçi postuna namizəd göstərilməsinə də toxunub: "Açığı, buna rast gəlməmişəm. İndi nəsə demək düzgün olmaz. Çünki yığmanın baş məşqçisi var. Təklif gələrsə, nəsə deyə bilərəm".

Abasov müqavilə ilə Yunanıstan "Olimpiakos"una məxsus olan Mamadu Kanenin qış fasiləsində komandanı tərk edə biləcəyini istisna etməyib: "Bunuin qısa zamanda həllini tapmasını mən də istəyirəm. Çünki məsələ uzanır. Ona nə qədər bel bağlayacağımızı bilmək istəyirəm. Qışda da gedə bilər. Limit məsələsi bizə mane olur. Rotasiyaların səbəbi də budur. "Olimpiakos"la sıx təmasdayıq. Onlar da konkret söz deyə bilmirlər. Tezliklə bütün suallara aydınlıq gələcək".

Baş məqşçi bir müddət öncə zədələnən Xorxe Korreanın fərdi məşqlərə başladığını söyləyib. "Təəssüf ki, "Qəbələ" ilə yoxlama oyununda zədələndi. Amma ümumi vəziyyəti pis deyil. Fərdi məşqlərə başlayıb".

Son xəbərlər

Orphus sistemi