"Sabah" UEFA Gənclər Liqasında cavab matçına çıxacaq

"Sabah"ın 19 yaşadək futbolçulardan ibarət komandası UEFA Gənclər Liqasının II təsnifat mərhələsində cavab oyununa çıxacaq.

"Report"un məlumatına görə, Adino Mustedanaqiçin baş məşqçisi olduğu kollektiv Bakıda İsveçrə təmsilçisi "Bazel"lə üz-üzə gələcək.

Qarşılaşma saat 18:00-da "Bayıl Arena"da start götürəcək. Görüşü qazaxıstanlı Rustam Omarov idarə edəcək.

Qeyd edək ki, ilk matçda "Bazel" 6:0 hesablı qələbəyə sevinib.