"Sabah"ın baş məşqçisi: "Oyunda mübahisəli anlar var idi"

"Futbolçulara göstərdikləri xarakterə görə təşəkkür edirəm. Azlıqda olsaq belə, intizamı qoruduq. Bu rəqibə qarşı oynamaq çətindir"

"Report"un məlumatına görə, bunu "Sabah"ın baş məşqçisi Murad Musayev səfərdə "Qarabağ"a 3:4 hesabı ilə uduzduqları Azərbaycan Premyer Liqasının VI tur oyunundan sonra mətbuat konfransında deyib.

39 yaşlı mütəxəssis hakimlik haqqında danışıb: "Matça yenidən baxmaq lazımdır. Mübahisəli anlar var idi. 4-cü qoldan əvvəl sanki top rəqibə dəyərək, meydandan çıxmışdı. Görüşə baxdıqdan sonra nə isə demək olar".