“Sabah” Azərbaycan Kubokunu qazanan 10-cu komanda olub

“Sabah” Azərbaycan Kubokunu qazanan 10-cu komanda olub.

"Report" Peşəkar Futbol Liqasının rəsmi saytına istinadən xəbər verir ki, 1992-ci ildən keçirilən turnirin əvvəlki 32 mövsümündə 9 komanda titula sahib çıxıb.

Mütləq rekord “Qarabağ”a məxsusdur – 8 dəfə.

“Neftçi” 6, “Kəpəz” 4, “Xəzər Lənkəran”, “Bakı” hərəyə 3, “Keşlə” (indiki “Şamaxı”), “Qəbələ” hərəyə 2 kubok qazanıb. “İnşaatçı” (Bakı) və “Şəfa” isə “Sabah” kimi hərəsi bir dəfə kuboku başı üzərinə qaldırıb.

Qeyd edək ki, 2001/2002 və 2019/2020 mövsümləri yarımçıq qalıb. "Sabah" mayın 31-də baş tutan final oyununda "Qarabağ"ı əlavə vaxtda 3:2 hesabı ilə məğlub edib.