Rusiyanın iki güləşçisinə 4 illik cəza verildi

Rusiya güləşçiləri Ruslan Abdullayev və Rəşid Kaytmazov diskvalifikasiya edilib.

"Report" Rusiya Antidopinq Agentliyinin rəsmi saytına istinadən xəbər verir ki, hər iki idmançı 4 illik cəza alıb.

Onlardan götürülmüş dopinq testinin müsbət nəticə verdiyi açıqlanıb.

Abdullayevin cəzası 2020-ci noyabrın 6-dan, Kaytmazovun isə noyabrın 10-dan qüvvəyə minir.