Rusiya Premyer Liqasını tərk edən ilk klub bəlli olub

Futbol üzrə Rusiya Premyer Liqasını tərk edən ilk klub bəlli olub.

"Report"un məlumatına görə, "Arsenal" (Tula) komandası aşağı liqaya düşüb.

Tula təmsilçisi XXIX turda "Ufa"ya 1:2 hesabı ilə uduzub və sona bir tur qalmış 23 xalla sonuncu - 16-cı pillədə qərarlaşıb.

"Arsenal" növbəti mövsüm Milli Futbol Liqasında (FNL) mübarizə aparacaq. Komanda axırıncı dəfə 2015/2016 mövsümündə FNL-də çıxış edib.